Category Archives: Tölvudót

Íslensk Erfðagreining og Eyjan.is kynntu í vikunni netkosningu um ríkisábyrgð á Icesave samkomulaginu sem nú liggur fyrir á Alþingi. Kosningakerfið sjálft er tvískipt. Annars vegar er ÍslendingaVal, í umsjá Íslenskrar erfðagreiningar, og svo kosningavefur Eyjunnar. Í grófum dráttum virkar þetta þannig að kjósandi skráir sig inn í ÍslendingaVal, þar sem hann er auðkenndur, og velur að taka þátt í kosningu um Icesave. Hann er þá sendur yfir á kosningavef Eyjunnar, nafnlaust, þar sem hann greiðir atkvæði sitt. Að kosningu lokinni fær þátttakandi kvittun með svarlykli sem seinna má nota til að sannreyna að atkvæðið hafi verið rétt talið.