Já, hér erum við sammála, hvort tveggja hvað varðar hugbúnað ÍslendingaVals sem og hugbúnað umsjónaraðila kosninga. Betur sjá augu en auga.

Eitt innskot. Ég var spurður hvort hægt væri að tryggja að umsjónaraðili gæti ekki fylgst með stöðu kosninganna. Það er erfitt að tryggja það algerlega, en það má gera ýmsar ráðstafanir. Til dæmis mætti skoða að dulkóða hvert atkvæði á svipaðan hátt og ÍslendingaVal dulkóðar sín gögn. Þannig væri ekki hægt að sjá hvenig atkvæði hefðu fallið fyrr en einhverjir ákveðnir aðilar kæmu saman, að kosningu lokinni, og afkóðuðu gögnin. Svona væri að vísu ekki hægt að sannreyna atkvæði sitt fyrr en eftir kosningar, en ég held reyndar að það sé kostur frekar en hitt.

Hinsvegar gerir þetta kerfið ekki „tamper proof“. Ég, sem umsjónaraðili kosninga, gæti til dæmis notað einhvern opinn kosningahugbúnað – en breytt honum þannig að hann myndi senda mér hvert atkvæði í tölvupósti, áður en það væri dulkóðað. Því er ekki síður mikilvægt að fengnir séu hlutlausir aðilar til að staðfesta að ekki hafi verið átt við hugbúnaðinn. Til eru ýmsar aðferðir til að tryggja það.

En já. Þetta fer á endanum allt eftir því hvað niðurstöðurnar verða notaðar í.

Bendi að lokum á áhugaverða grein eftir tvo ágæta menn hér í Vrije Universiteit: Paul, N., and Tanenbaum, A.S.: Trustworthy Voting: From Machine to System, IEEE Computer, pp. 23-29, May 2009.